Aymaqlarda pilleshilikti rawajlandırıw hám hayal-qızlar bántligin támiyinlewge qaratılǵan úgit-násiyat jumısları dawam etpekte
2026-04-21 18:25:00 / Министрлик
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı Maryam Ahmedova tárepinen aymaqlarda jipekshilik tarawın rawajlandırıw, ásirese, hayal-qızlardıń bántligin támiyinlewge qaratılǵan úgit-násiyatlaw ilajları izbe-iz shólkemlestirilmekte.
Ushırasıwlar dawamında xalıqqa pilleshiliktiń ekonomikalıq áhmiyeti, bul taraw arqalı turaqlı dáramat dáregin jaratıw imkaniyatları hám hayal-qızlardı isbilermenlikke keńnen tartıw máseleleri haqqında tolıq maǵlıwmatlar berilmekte.
Atap aytqanda, Ózbekstan Respublikası Ministrler Kabinetiniń 2026-jıl 9-apreldegi 154-sanlı qararınıń mazmun-mánisi keńnen túsindirilip, pille jetistiriwshiler ushın ajıratılatuǵın ssudalar, subsidiyalar hámde olardıń qolaylı shártleri haqqında túsinikler berilmekte.
Atap ótiliwinshe:
* pille jetistiriwshilerdi finanslıq qollap-quwatlaw mexanizmleri keńeytilmekte;
* subsidiyalar arqalı dáslepki qárejetlerdi qaplaw imkaniyatı jaratılmaqta
* hayal-qızlar ushın jańa jumıs orınları hám dáramat dárekleri qáliplestirilmekte.