Ámiwdárya rayonında press-tur shólkemlestirildi
2026-04-12 18:10:00 / Министрлик
Búgin Ámiwdárya rayonında áhmietli infrastruktura joybarlarına baǵıshlanǵan press-tur bolıp ótti. Onda "Qaraqalpaq suw támiynatı" AJ hám rayon hákimligi menen birgelikte ǵalaba xabar qurallarınıń wákilleri qatnastı.
Press-tur dawamında jurnalistler "Manǵıt suw tazalaw imaratı" qurılıs processleri menen jaqınnan tanıstı. Sonday-aq, aymaqlarda jańa ishimlik suw tarmaqların tartıw jumıslarınıń qanday alıp barılıp atırǵanı da kózden ótkerildi.
Usı joybar:
bahası - 12,99 million AQSh dolları;
quwatlılıǵı - kúnine 40 000 m3 ishimlik suwın tazalaw
házirgi jaǵdayı - qurılıs jumısları juwmaqlanıw aldında
Joybar tolıq iske qosılǵannan soń, Ámiwdárya rayonı xalqınıń oraylasqan ishimlik suwı menen támiyinleniw dárejesi 80 procentke jetkeriliwi rejelestirilgen.
Bunday iri joybarlar aymaq xalqı ushın jáne de qolaylı hám sapalı turmıs sharayatların jaratıwǵa xızmet etedi.
Press-tur sheńberinde qatnasıwshılar aymaqlarda ámelge asırılıp atırǵan iri infrastrukturalıq joybarlar menen jaqınnan tanıstı. Sonıń ishinde, olar "Archico Engineering Company" (Ázerbayjan) tárepinen alıp barılıp atırǵan jańa ishimlik suw tarmaqların tartıw processleri menen de tanıstı.
Usı joybar:
ulıwma bahası - 29,04 million AQSh dolları.
joybar sheńberinde - 3 suw bólistiriw imaratın qurıw hám rekonstrukciyalaw;
jámi - 354 km ishimlik suw tarmaqların tartıw rejelestirilgen.
Házirgi waqıtta "RU-1,"Kuyık kópir" hám "Qılıshbay" suw bólistiriw imaratlarında qurılıs-montajlaw jumısları jedel pátlerde dawam etpekte.
Búgingi kúnge shekem:
319 km suw tarmaqları tartıldı.
Xalıqtı sapalı ishimlik suwı menen támiyinlew jolında áhmiyetli nátiyjelerge erisildi
Bul joybarlar tolıq juwmaqlanǵannan soń, Ámiwdárya rayonı xalqınıń ishimlik suwı menen támiyinleniw dárejesi sezilerli dárejede artıp, aymaqta jasaw sharayatları jáne de jaqsılanadı.