Qaraqalpaqstan Respublikası Ámiwdárya rayonı hákimligi

Ámiwdárya rayonı Shańaraq hám hayal-qızlar bólimi hám rayonlıq sport mektebi menen birgelikte "Hayal-qızlar sport olimpiadası" jarısı shólkemlestirildi.

Bul jarıs Ámiwdárya injenerlik texnikumınıń sport zalında bolıp ótti. Onda rayonımızdaǵı máhállelerden 150 ge shamalas hayal-qızlar qatnasıp, ózleriniń sportqa bolǵan qızıǵıwshılıǵın hám sheberligin kórsetti.

Jarıslar sporttıń stol tennisi, shaxmat, shashka hám jeńil atletika (60 m, 100 m hám 200 m juwırıw) túrleri boyınsha 18-30 jas hám 30 jastan joqarı kategoriyalar kesiminde ótkerildi.

Qızǵın hám mawasasız ótken bellesiwlerdiń juwmaǵına bola:

- stol tennisi, shaxmat hám shashka túrleri boyınsha hár eki jas kategoriyasında jeńimpazlar anıqlandı;
- jeńil atletikanıń 60, 100 hám 200 metrge juwırıw baǵdarlarında da 18-30 jas jáne 30+ kategoriyaları boyınsha 1-orın iyeleri anıqlandı. 

Barlıq jeńimpaz hám sıylı orın iyeleri shólkemlestiriwshiler tárepinen múnásip sıylıqlandı.

Eń áhmiyetlisi, jarısta 1-orındı qolǵa kirgizgen qatnasıwshılar Qaraqalpaqstan Respublikası basqıshına qatnasıw ushın jollamanı qolǵa kirgizdi.

Bul sport ilajı hayal-qızlardı ǵalabalıq sportqa tartıw, olardıń bos waqtın mazmunlı shólkemlestiriw hám salamat turmıs tárizin úgit-násiyatlawda úlken áhmiyetke iye boldı.