Tariyx nafasi va zamonaviy tarǵibot: Chilpiq qörǵonidagi xalqaro promo-tur
2026-04-14 10:30:00 / Министрлик
2026-jılǵı futbol boyınsha jáhán chempionatı aldında Ózbekstannıń bay tariyxıy miyrası hám turistlik potencialın dúnyaǵa tanıtıwǵa qaratılǵan "Uzbekistan Road Trip to World Cup 2026" joybarı dawam etpekte.
Náwbettegi mánzil - Shılpıq qalası
Qaraqalpaqstannıń bul áyemgi esteligi óziniń sırlı tariyxı hám biytákirar ortalıǵına iye bolıp, promo-tur qatnasıwshıların jıllı kútip aldı.
Milliy folklor jámáátleriniń shıǵıwları, áyemgi nama-qosıqlar hám ayaq oyınlar miymanlarǵa umıtılmas tásirler baǵıshladı.
Belgili blogerler tárepinen bolsa Shılpıq qalası haqqında túrli media-kontentler tayarlanıp, xalıqaralıq sociallıq tarmaqlarda keńnen úgit-násiyatlanbaqta.
Ilajda jaslar da belsene qatnasıp, tariyxımız hám milliy miyrasımız haqqında jańa bilimlerge iye boldı.
Dástúrge muwapıq, qatnasıwshılar Qarateren hám Taxtobe turistlik komplekslerine de baradı.
Ishki turizmdi rawajlandırıw, jańa baǵdarlardı ashıw hám aymaqlardıń tartımlılıǵın arttırıw búgingi kúnniń áhmiyetli wazıypalarınan biri bolıp esaplanadı. Bul bolsa ekonomikalıq ósiw, jańa jumıs orınları hám milliy qádiriyatlardıń rawajlanıwına xızmet etedi.