Ámiwdáryada jol infrastrukturası jaqsılanbaqta
2026-04-06 11:00:00 / Министрлик
Mámleketimizde jol infrastrukturasın rawajlandırıw mámleketlik siyasattıń tiykarǵı baǵdarı etip belgilengen. Atap aytqanda, Ámiwdárya rayonında xalıqqa qolaylı transport sharayatların jaratıw maqsetinde keń kólemli asfaltlaw hám ońlaw jumısları ámelge asırılmaqta.
️Sanlar hám faktler: Rayon jol xojalıǵı jaǵdayı
️Rayon aymaǵında jámi 1 438 km avtomobil jolları bar.
️ 319 km jol - rayon jollardan paydalanıw mámleketlik mákemesi balansında.
️ 160 km jol ońlawǵa mútáj jaǵdayda (tiykarǵı sebep: normadan artıq júk tasıw).
2025-jılda orınlanǵan jumıslar:
200 km jolda ońlaw hám saqlaw jumısları alıp barıldı.
11,1 km jolǵa mámleketlik byudjet esabınan asfalt-beton qaplaması tóseldi.
️"Baslamalı byudjet" sheńberinde jámi 20,4 km jol asfaltlandı.
️ 2 kópir kapital ońlanıp, paydalanıwǵa tapsırıldı.
127 km ishki jollarǵa qum-sheben aralaspası tóseldi.
2026-jıl ushın rejeler: Kelesi jıl jol infrastrukturasında keskin burılıs jılı boladı:
305 km den aslam jol hám 6 avariyalıq jaǵdaydaǵı kópir ońlanadı.
Mańǵıt - Qılıshbay (18 km) hám Kuyık kópir - Jumırtaw (9 km) jónelisleri jańalanadı.
200 km den aslam topıraq jollarǵa sheben tósew rejelestirilgen.
"Baslamalı byudjet" sheńberinde jáne 22 km jol asfaltlanadı.