Mámleketlik xızmetkerlerdiń salamatlıǵı - nátiyjeli basqarıw girewi
2026-04-04 18:40:00 / Министрлик
Prezident janındaǵı Mámleketlik xızmetti rawajlandırıw agentliginiń baslaması menen búgin Ámiwdárya rayonı hákimligi xızmetkerleri ushın birlemshi medicinalıq tekseriw shólkemlestirildi. Bul ilaj mámleketlik xızmetkerlerdiń salamatlıǵın bekkemlew, keselliklerdi erte basqıshta anıqlaw hám olardıń xızmet jumısındaǵı nátiyjeliligin arttırıwǵa qaratılǵan áhmiyetli baslama bolıp esaplanadı.
Sonday-aq, bul processte rayondaǵı shólkem hám mákemelerdiń basshıları da belsene qatnasıp, olar da medicinalıq tekseriwden ótkerildi.
Rayonlıq Medicina birlespesinde ótkerilgen medicinalıq tekseriwler dawamında tájiriybeli shıpakerler tárepinen xızmetkerler tereńlestirilgen medicinalıq tekseriwden ótkerildi. Sonday-aq, olarǵa salamat turmıs tárizine ámel etiw, durıs hám teń salmaqlı awqatlanıw, fizikalıq belsendilikti arttırıw hám túrli keselliklerdiń aldın alıw boyınsha zárúr usınıslar berildi.