Jetinshi shaqırıq Xalıq deputatları Ámiwdárya rayonlıq Keńesiniń 19-sessiyası haqqında tolıq rásmiy málimleme
2026-03-30 16:25:00 / Министрлик
Usı jıldıń 30-mart kúni Xalıq deputatları Ámiwdárya rayonlıq Keńesiniń jetinshi shaqırıqtaǵı gezektegi 19-sessiyası bolıp ótti. Sessiyada rayon hákiminiń orınbasarları, tiyisli shólkem hám uyımlardıń basshıları, ekspert toparınıń aǵzaları, mákan puqaralar jıyınlarınıń baslıqları, hayal-qızlar belsendileri hám ǵalaba xabar qurallarınıń wákilleri qatnastı.
Sessiya jumısın Xalıq deputatları rayonlıq Keńesiniń baslıǵı Alisher Yoldoshev ashıp berdi hám alıp bardı. Májilis Ózbekstan Respublikası hám Qaraqalpaqstan Respublikası mámleketlik gimnleriniń jańlawı astında baslandı. Sessiya sekretarlıǵına "25-Nazarxan" saylaw okruginen deputat Jetkerbay Ibragimovtıń kandidaturası deputatlar tárepinen bir dawıstan maqullandı.
Sessiya kún tártibine kirgizilgen bir qatar áhmiyetli máseleler boyınsha rayonlıq ekonomika hám qarjı bólimi baslıǵınıń orınbasarı Jahongir Yoldoshev esabat berdi.
Sessiya kún tártibinen deputatlardıń saylawshılar aldında esap beriw kestesin tastıyıqlaw, puqaralardıń turaq jaylarǵa bolǵan múlk huqıqı hám jer uchastkalarına ijara huqıqların tán alıw boyınsha qararlarǵa ózgerisler kirgiziw, sonday-aq, Jaslar másláhát toparına baylanıslı qararlardı jetilistiriw hám turaqlı komissiyalar reglamentin tastıyıqlaw máseleleri de orın aldı.
Sessiya dawamında kún tártibindegi barlıq máseleler hár tárepleme dodalanıp, olar boyınsha tiyisli qararlar qabıl etildi. Usınıń menen Xalıq deputatları Ámiwdárya rayonlıq Keńesiniń 19-sessiyası óz jumısın juwmaqladı.