Jaslar ushın jańa imkaniyat: Zamanagóy sport maydanshası ashıldı
2026-03-27 11:20:00 / Министрлик
Ózbekstan Respublikası Prezidentiniń 24-fevral kúngi ushırasıwında berilgen tapsırmalarǵa muwapıq, hár piyshembi "Jaslar kúni" sıpatında ótkerilmekte.
26-fevral - "Jaslar kúni" múnásibeti menen Ámiwdárya rayonı Dárya boyı máhállesi aymaǵında zamanagóy, ústi jabıq jasalma qaplamalı universal sport maydanshası paydalanıwǵa tapsırıldı. Bul joybar "Baslamalı byudjet"tiń 2025-jıl 4-máwsiminde jeńimpaz bolǵan baslama tiykarında ámelge asırıldı.
Ashılıw máresiminde rayon hákimi Sabır Xojametov hám rayon prokurorı Bahrom Masharipov, bólim, shólkemlerdiń basshıları, jaslar hám xalıq wákilleri qatnastı.
Bunnan soń máhálle imaratında jaslar menen ashıqtan-ashıq sóylesiw shólkemlestirilip, onda basshılar tárepinen jaslardıń mashqala hám usınısları tıńlandı hám olardı qollap-quwatlawǵa qaratılǵan máseleler dodalandı.