Jaslar kúni sheńberinde "Mirza Ulıǵbek miyrasxorları" respublikalıq tańlawınıń Ámiwdárya rayonlıq basqıshı bolıp ótti
2026-03-12 18:30:00 / Министрлик
Ózbekstan Respublikası Ministrler Kabinetiniń 30-sanlı qararına tiykarlanıp mámleketimiz boylap ótkerilip kiyatırǵan "Mırza Ulıǵbek miyrasxorları" respublikalıq tańlawınıń Ámiwdárya rayonlıq basqıshı usı jıldıń 12-mart kúni Ámiwdárya rayonı IT orayında ótkerildi.
Tańlawda jámi 144 jas dizimnen ótken bolıp, olardan 67 ı IQ test nátiyjelerine bola 110 balldan joqarı nátiyjege eristi. Sonnan 18 qatnasıwshı ózleriniń ideya hám joybar prezentaciyaları menen qatnastı.
Ilajda rayon hákimi Sabır Xojametov, hákim orınbasarı Nodirbek Kamalov hám hákim orınbasarı, Shańaraq hám hayal-qızlar bólimi baslıǵı Gozal Saburova qatnastı. Olar hár bir joybar boyınsha ózleriniń pikir-usınısların bildirip ótti.
"Mırza Ulıǵbek miyrasxorları" respublikalıq tańlawınıń Ámiwdárya rayonlıq basqıshı juwmaǵında anıqlanǵan 5 jeńimpaz sertifikat hám bazalıq esaplaw muǵdarınıń 5 esesi muǵdarında bir mártelik aqshalay sıylıq penen sıylıqlanadı.