"Jurt abadanlıǵı, bárinen burın, máhálleden baslanadı!"
2026-03-13 17:15:00 / Министрлик
13-14-mart kúnleri elimiz boylap "Jurt abadanlıǵı, bárinen burın, máhálleden baslanadı!" súreni astında ulıwmaxalıqlıq qayırqomlıq shembiligi bolıp ótpekte. Usı iygilikli baslama sheńberinde Ámiwdárya rayonında da keń kólemli abadanlastırıw hám dóretiwshilik jumısları shólkemlestirildi.
Bul qayırlı ilaj máhállelerimizdi jáne de abat etiw, qorshaǵan ortalıqtı taza saqlaw, xalıq arasında awızbirshilik hám tilekleslikti bekkemlewge xızmet etpekte.
Rayonlıq Máhálle qorı esabınan 22 754 tonna hák, 20 000 túp miyweli terek nálleri hám 5 000 dana hár qıylı miynet quralları satıp alınıp, máhállelerge tarqatıldı. Bul bolsa aymaqlarda abadanlastırıw jumısların jáne de jedellestiriwge xızmet etpekte.
Atap aytqanda, Chaykól awılındaǵı "Baba Rustam" qoyımshılıǵı aymaǵında da keń kólemli abadanlastırıw jumısları alıp barıldı. Xasharda jas hám jası úlken birdey belsene qatnasıp, aymaqtı shóplerden tazalaw, átirapın tártipke keltiriw hám taza saqlaw boyınsha nátiyjeli jumıslar ámelge asırıldı.
Bunday iygilikli ilajlar tek ǵana aymaqlarımızdı abat etip qoymastan, al xalqımızdıń awızbirshiligin, miyrim-shápáátin hám Watanǵa bolǵan sadıqlıǵın jáne bir márte kórsetedi.
Abadan máhálle - abadan turmıs girewi!