Jurt abadanlıǵı - máhálleden baslanadı!
2026-03-14 16:10:00 / Министрлик
"Jurt abadanlıǵı, bárinen burın, máhálleden baslanadı!" súreni astında elimiz boylap ótkerilip atırǵan ulıwmaxalıqlıq qayırqomlıq shembiligi sheńberinde Tolqın awılınıń xalqı da belsene qatnaspaqta.
Bul iygilikli ilaj dawamında awıl aymaǵında keń kólemli abadanlastırıw jumısları ámelge asırılmaqta. Atap aytqanda, kósheler hám jámietlik orınlar tazalanıp, qorshaǵan ortalıqtı tártipke keltiriw jumısları alıp barılmaqta. Terekler háklenip, aymaqtı jáne de shıraylı hám tártipli kóriniske keltiriwge ayrıqsha itibar qaratılmaqta.
Sonday-aq, keleshek áwlad ushın jáne de jasıl hám taza ortalıq jaratıw maqsetinde kóplegen terek nálleri egilmekte. Bul bolsa aymaqta kóklemzarlastırıw jumısların jáne de keńeytiw, ekologiyalıq ortalıqtı jaqsılawǵa xızmet etpekte.
Nál egiw processlerinde Xalıq deputatları rayonlıq Keńesiniń baslıǵı Alisher Yoldashev ta belsene qatnasıp, jasıl aymaqlardı qurıw hám tábiyattı qorǵaw jolında óz úlesin qostı.