Jas óspirim qızlardıń tálim-tárbiyası - tiykarǵı wazıypa
2026-03-04 10:30:00 / Министрлик
Ámiwdáryada qızlar tárbiyası máselesi dodalandı
Ámiwdárya rayonı Mádeniyat bóliminde jas óspirim qızlardıń tálim-tárbiyası, huqıq hám máplerin qorǵaw máselelerine baǵıshlanǵan áhmietli májilis bolıp ótti.
Onda Maryam Ahmedova - Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı, Muhabbat Shlimbetova - mektepke shekemgi hám mektep bilimlendiriwi ministri wazıypasın atqarıwshı, Xurzada Reimova - Ishki isler ministrligi JQX HPB baslıǵınıń orınbasarı, sonday-aq, rayon hákiminiń orınbasarları, shólkem basshıları, mektep direktorları hám máhálle hayal-qızlar belsendileri qatnastı.
️Jıynalıs dawamında:
- qızlardıń sapalı bilim alıwı,
- mektep hám máhálle birge islesiwin kúsheytiw,
- erte neke hám huqıqbuzarlıqlardıń aldın alıw,
- sociallıq qorǵawǵa mútáj shańaraqlar menen mánzilli islesiw máseleleri dodalandı.
Hár bir juwapker óz baǵdarı boyınsha pikir bildirip, bar mashqalalar hám olardıń sheshimleri boyınsha usınıslardı alǵa qoydı.