Qaraqalpaqstan Respublikası Ishki isler ministri Baxtiyar Torebekov Ámiwdárya rayonında boldı
2026-02-17 10:40:00 / Министрлик
Ámiwdárya rayonı Durunki máhállesinde jınayachılıq hám huqıqbuzarlıqlardıń aldın alıw, aymaqlarda qáwipsiz ortalıqtı támiyinlew máselelerine baǵıshlanǵan ashıqtan-ashıq sóylesiw bolıp ótti. Onda Qaraqalpaqstan Respublikası Ishki isler ministri Baxtiyar Torebekov qatnastı.
Ilajda Ámiwdárya rayonı hákimi Sabır Xojametov, rayon prokurorı Bahram Masharipov, rayon Ishki isler bólimi baslıǵı Timur Doshumbayev, sonday-aq, mákan puqaralar jıyını baslıqları, profilaktika inspektorları, "máhálle jetiligi" aǵzaları hám keń jámiyechilik wákilleri qatnastı.
Ushırasıw dawamında rayondaǵı kriminogen jaǵday hár tárepleme tallanıp, júz berip atırǵan jınayat hám huqıqbuzarlıqlardıń kelip shıǵıw sebepleri dodalandı. Ásirese, jaslar arasında jınayachılıqtıń aldın alıw, shańaraqlıq kelispewshiliklerdi erte saplastırıw, hayal-qızlar hám jas óspirimler menen mánzilli islesiw, profilaktikalıq ilajlardı kúsheytiw máselelerine ayrıqsha itibar qaratıldı.