Jetinshi shaqırıq Xalıq deputatları Ámiwdárya rayonlıq Keńesiniń 18-sessiyası haqqında málimleme
2026-02-12 18:50:00 / Министрлик
12-fevral kúni Xalıq deputatları Ámiwdárya rayonlıq Keńesiniń 18-sessiyası bolıp ótti. Onda rayondı sociallıq-ekonomikalıq rawajlandırıw boyınsha áhmiyetli qararlar qabıl etildi.
Úlken qurılıs hám abadanlastırıw: Rayondaǵı 3 aymaq - Kúyik kópir, Qılıshbay awılları hám Qıpshaq qalashası úlgili aymaqqa aylandırıladı. Bunıń ushın Respublikalıq hám jergilikli byudjetten jámi 15 mlrd sum ajıratıladı.
Sonday-aq, "Kámbaǵallıqtan abadanlıqqa qaray" baǵdarlaması tiykarında 7 awır aymaq (Jumır awıl, Qaraman, Nazarxan hám b.) infrastrukturasın jaqsılaw ushın jámi 21 milliard sum qarjı ajıratıw usınıs etildi.
Bántlik hám 2026-jıl rejeleri:
Kelesi jılı:
Kámbaǵallıq dárejesin 3,2% ke;
Jumıssızlıqtı 4,7% ke túsiriw mólsherlengen.
Sonıń ishinde, 4 887 xalıq turaqlı jumısqa jaylastırıladı hám 5 039 rásmiy emes jumıs ornı legallastırıladı.
Demografiyalıq kórsetkishler:
Medicina birlespesiniń esabatına bola, 2025-jılı rayonda 4 244 náreste dúnyaǵa kelgen.
Sessiya juwmaǵında deputatlar tárepinen kún tártibindegi máseleler boyınsha tiyisli qararlar qabıl etildi.