Ullı oyshıldıń esteligine húrmet
2026-02-09 10:55:00 / Министрлик
9-fevral - ózbek klassikalıq ádebiyatınıń sultanı, ullı oyshıl hám mámleketlik ǵayratker Áliysher Nawayınıń tuwılǵan kúni múnásibeti menen rayonlıq Mádeniyat bólimi janındaǵı 34-sanlı mádeniyat orayında mazmunlı ruwxıy-aǵartıwshılıq ilaj bolıp ótti.
Ilaj 34-sanlı mádeniyat orayınıń dóretiwshilik xızmetkerleri hám 38-sanlı ulıwma bilim beriw mektebi menen birgelikte shólkemlestirildi. Onda Áliysher Nawayınıń bay ádebiy miyrası, adamgershilik hám aǵartıwshılıqqa shaqırıwshı ideyaları keńnen úgit-násiyatlandı.
Dóretiwshiler tárepinen oyshıl qálemine tiyisli ǵázzeller tiykarında nama-qosıqlar atqarılıp, milliy ayaq oyınlar kórsetildi. Sonday-aq, Álisher Nawayınıń ómiri hám kóp qırlı dóretiwshiligine baǵıshlanǵan saxnalıq kórinisler tamashagóylerde úlken tásir qaldırdı.
Bul ilaj jas áwlad qálbinde ullı ata-babalarımızdıń miyrasına húrmet, milliy qádiriyatlar hám kitapqumarlıq mádeniyatın jáne de bekkemlewge xızmet etti.
Nawayı miyrası - mánawiyatımızdıń tawsılmas ǵáziynesi.