Korrupciya - rawajlanıw dushpanı
2026-01-12 09:40:00 / Министрлик
Búgin jámiyetimiz korrupciyanıń mámlekettiń rawajlanıwı hám abadanlıǵı ushın qanshelli qáwipli illet ekenin barǵan sayın tereń ańlap barmaqta.
Ózbekstan Respublikası Prezidenti janındaǵı Korrupciyaǵa qarsı gúresiw milliy keńesi májilisinde berilgen tapsırmalar tiykarında islep shıǵılǵan "Jol kartası" barlıq tarawlarda korrupciyaǵa qarsı gúresiw jumısınıń anıq normaların belgilep berdi. Usı tiykarda, prokuratura uyımları tárepinen bul baǵdardaǵı jumıslar muwapıqlastırılıp, qadaǵalaw ilajları hám úgit-násiyat jumısları turaqlı túrde alıp barılmaqta.
Ámiwdárya rayonı prokurorı Bahram Masharipovtıń basshılıǵında "Jol kartası"nan kelip shıǵıp, rayondaǵı barlıq shólkemlerdiń kadrlar bólimi hám buxgalteriya xızmetkerleriniń qatnasıwında temaǵa baylanıslı úgit-násiyat ilajı ótkerildi.
Ilajda xalıqtıń bántligin támiyinlew hám mámleketlik satıp alıwlardı ámelge asırıw processlerinde ashıq-aydınlıqtı támiyinlew, xızmet tártibi hám juwapkershilikti kúsheytiw, jámiyechilik penen birgelikte profilaktikalıq jumıslardı alıp barıw jáne korrupciya jaǵdaylarınıń aldın alıw boyınsha anıq wazıypalar belgilep alındı.