Xalq deputatları Ámiwdárya rayonlıq Keńesiniń 16-sessiyası bolıp ótti
2025-12-30 18:10:00 / Министрлик
Ámiwdárya rayonı hákimliginde jetinshi shaqırıq Xalıq deputatları rayonlıq Keńesiniń gezektegi 16-sessiyası ótkerildi. Sessiyaǵa deputatlar, rayon hákiminiń orınbasarları, shólkemlerdiń basshıları hám ǵalaba xabar qurallarınıń wákilleri qatnastı. Sessiya jumısında deputatlar, rayon hákiminiń orınbasarları, shólkem hám mákemelerdiń basshıları jáne ǵalaba xabar qurallarınıń wákilleri qatnastı.
Sessiya Ózbekstan Respublikası hám Qaraqalpaqstan Respublikası Mámleketlik gimnleriniń jańlaǵan hawazı astında ashıldı. Sessiya májilisine xalıq deputatları Ámiwdárya rayonlıq Keńesiniń baslıǵı, rayon hákimi Sabır Xojametov basshılıq etti.
Kún tártibinde 2026-jılǵa mólsherlengen rayonnıń sociallıq-ekonomikalıq rawajlanıw baǵdarlaması, hayal-qızlardı qollap-quwatlaw, mámleketlik til máseleleri hám jer salıǵı boyınsha esabatlar kórip shıǵıldı.
Sonday-aq, nızamshılıqqa muwapıq Ámiwdárya rayonlıq Keńesi baslıǵınıń saylawı ótkerilip, deputat Alisher Yoldashev Keńes baslıǵı etip saylandı.
Sessiya juwmaǵında barlıq máseleler boyınsha tiyisli qararlar qabıl etildi.