Belsendi hayal-qızlarǵa "Itibar-2025" sıylıǵı tapsırıldı
2025-12-19 11:50:00 / Министрлик
Nókis qalasında Qaraqalpaq mámleketlik jas tamashagóyler teatrında bolıp ótken "Itibar-2025" sıylıǵın tapsırıwǵa baǵıshlanǵan saltanatlı ilajda elimizdiń sociallıq-ekonomikalıq hám siyasiy turmısında belsendilik kórsetken, xalqımızdıń abadan turmısın támiyinlew jolında nátiyjeli jumıs alıp barıp atırǵan hayal-qızlarımızdıń xızmetleri bahalanıp, olarǵa "Itibar-2025" sıylıǵı tapsırıldı. Onda Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov shıǵıp sóylep, jıynalǵanlardı qutlıqladı.
Ilajda Ámiwdárya rayonı hákiminiń orınbasarı - Shańaraq hám hayal-qızlar bóliminiń baslıǵı Gozal Saburova "Ibratli ayol" kókirek belgisi menen sıylıqlandı. Sonday-aq, ámiwdáryalı isbilermen Dildora Xaytbaeva "Eń aldıńǵı isbilermen hayal" nominaciyası boyınsha sıylıqlandı. "Gender teńlikti támiyinlewde eń belsendi mámleketlik emes kommerciyalıq emes shólkem" nominaciyası boyınsha Ámiwdárya rayonı "Sheber kásipler" mámleketlik emes kommerciyalıq emes shólkeminiń baslıǵı Kamalova Muyassar sıylıqlandı. "Eń úlgili hayal-qız belsendisi" nominaciyası boyınsha Yakubova Mohira II dárejeli diplom menen sıylıqlandı.
Sıylıqlanǵanlardı qızǵın qutlıqlaymız hám aldaǵı jumıslarında úlken tabıslar tileymiz!