Keyingi jılları Ámiwdárya rayonında xalıqtıń turmıs sharayatların jaqsılaw, shańaraqlardı turaqlı tábiyǵıy gaz benen támiyinlew baǵdarında keń kólemli jumıslar ámelge asırılmaqta.

 Atap aytqanda, rayon aymaǵınan ótiwshi joqarı basımlı magistral gaz qubırları basqıshpa-basqısh rekonstrukciyalanbaqta. 9,5 kilometrge shamalas gaz tarmaqları jańalanıp, jańa qubırlar tartılmaqta. Bul jumıslar "Urganchtransgaz" UK xızmetkerleri tárepinen joqarı juwapkershilik penen alıp barılmaqta.

 Rekonstrukciya jumısları juwmaqlanıw aldında bolıp, jaqın kúnlerde mıńlaǵan shańaraqlarda gaz basımı normallastırılıp, támiynat jáne de turaqlasadı. Bul bolsa ásirese qıs máwsiminde xalıqqa úlken qolaylıq jaratadı.

 Xalıqtıń abadanlıǵın arttırıw, infrastrukturanı rawajlandırıwǵa qaratılǵan bunday iygilikli jumıslar Ámiwdárya rayonında reformalar izbe-iz dawam etip atırǵanınıń ayqın kórinisi bolıp tabıladı.