"Jasıl mákan" ulıwma milliy joybarı sheńberinde máhálleler kóklemzarlastırılmaqta
2025-12-09 17:55:00 / Министрлик
Ámiwdárya rayonı Abadanlastırıw basqarması tárepinen "Jasıl mákan" ulıwma milliy joybarı sheńberinde ekologiyanı jaqsılaw, jasıl aymaqlardı keńeytiw hám xalıq ushın qolaylı ortalıq jaratıwǵa qaratılǵan keń kólemli jumıslar izbe-iz dawam ettirilmekte.
Búgingi kúnde Almazar máhállesi aymaǵındaǵı Bárkamal áwlad kóshesinde úlken abadanlastırıw hám kóklemzarlastırıw jumısları baslap jiberildi. Atap aytqanda:
jámi 1502 dana nál:
502 dana shırsha
500 dana katalpa
500 dana yapon saforası
egilip, aymaqtıń ekologiyalıq turaqlılıǵın bekkemlew hám xalıqqa jáne de qolaylı jasaw sharayatın jaratıwǵa xızmet etpekte.
Kóklemzarlastırıw jumısları tek ǵana kóshe hám máhállelerdiń kórkine kórik qosıp qoymastan, al hawanıń tazalıǵı, mikroklimattı jaqsılaw hám jaslar ushın salamat turmıs tárizin qáliplestiriwde úlken áhmiyetke iye.
"Jasıl mákan" joybarı - bul erteńgi áwladqa múnásip, taza hám jasıl ortalıq qaldırıw jolında taslanıp atırǵan gezektegi áhmiyetli qádemlerden biri.