Ámiwdárya rayonında Konstituciya qabıl etilgeniniń 33 jıllıǵı saltanatlı belgilendi
2025-12-06 10:15:00 / Министрлик
Ámiwdárya rayonı Mádeniyat úyinde Ózbekstan Respublikası Konstituciyası qabıl etilgeniniń 33 jıllıǵı múnásibeti menen úlken saltanatlı bayram ilajı bolıp ótti.
Ilajda rayon hákiminiń birinshi orınbasarı Faxriddin Yusupov, rayon prokurorı Bahram Masharipov shıǵıp sóylep, hámmeni bas nızamımız qabıl etilgen sáne menen qutlıqladı. Ilajda shıǵıp sóylegenler Konstituciyanıń jámiyetlik turmıstaǵı ornı, huqıq hám erkinliklerdiń kepili sıpatındaǵı áhmiyetin ayrıqsha atap ótti.
Bayram ilajı koncert baǵdarlaması menen dawam etti.
Rayonlıq Mádeniyat bólimi tárepinen tayarlanǵan kórkem shıǵıwlar, Watan, tınıshlıq hám doslıqtı jırlawshı qosıqlar ilaj qatnasıwshılarına kóterińki keypiyat baǵıshladı.
Konstituciya - rawajlanıw, ádillik hám demokratiya ólshemi.
Ilaj dawamında puqaralarımızdıń huqıqıy mádeniyatın arttırıw, jaslardıń sanasında Konstituciyaǵa húrmet sezimin bekkemlewge qaratılǵan baslamalar da eske alındı.