Tolqın awılında awıl xojalıǵı boyınsha ámeliy seminarlar ótkerildi
2025-11-26 11:10:00 / Министрлик
Ámiwdárya rayonı Tolqın awılında Qaraqalpaqstan Respublikası Awıl xojalıǵı ministri Shuhrat Teshaevtıń basshılıǵında 2026-jıl zúráátine tayarlıq sheńberinde kórgizbeli agrotexnikalıq seminarlar bolıp ótti.
Ilajda rayon hákimi Sobir Xojametov, awıl xojalıǵı qánigeleri, Agroinspekciya, Ósimlikler karantini xızmetkerleri, Fermerler keńesiniń wákilleri hám fermerler qatnastı.
Ǵálleshilik boyınsha seminar:
- ǵálle maydanlarınıń jaǵdayı úyrenildi;
- gúzgi-qısqı máwsimdegi agrotexnikalıq ilajlar boyınsha usınıslar berildi;
- kesellik hám zıyankeslerge qarsı nátiyjeli gúresiw usılları dodalandı.
Baǵshılıq boyınsha oqıw-ámeliy seminar:
- baǵlarda qatar araları ushın toqsanbaslı eginlerdi durıs jaylastırıw;
- kútim talapları, irrigaciya usılları;
- topıraq ónimdarlıǵın saqlaw hám zúráátlilikti arttırıw boyınsha ámeliy shınıǵıwlar ótkerildi.
Bul seminarlar 2026-jıl ónimin sapalı qáliplestiriw, zamanagóy agrotexnologiyalardı ámelde qollanıw hám fermerlerdiń kónlikpelerin bekkemlewge xızmet etedi.