Jetinshi shaqırıq Xalıq deputatları Ámiwdárya rayonlıq Keńesiniń 15-sessiyası haqqında Málimleme
2025-11-25 17:30:00 / Министрлик
Ámiwdárya rayonı hákimliginiń májilisler zalında Jetinshi shaqırıq Xalıq deputatları Ámiwdárya rayonlıq Keńesiniń gezektegi 15-sessiyası bolıp ótti.
Sessiya májilisinde deputatlar, rayon hákiminiń orınbasarları, hákimliktiń juwapker xızmetkerleri, bólimler, shólkemlerdiń basshıları hám ǵalaba xabar qurallarınıń wákilleri qatnastı. Sessiyanı Xalıq deputatları rayonlıq Keńesi Baslıǵınıń orınbasarı, 3-Doslıq saylaw okruginen deputat Madamin Kazakov alıp bardı. Sessiya xatkerligine "18-Zahiriddin Muhammad Babur" saylaw okruginen deputat Gulbahor Raimovanı tayınlaw haqqındaǵı usınıs deputatlar tárepinen maqullandı.
Sessiya kún tártibindegi Jergilikli byudjettiń orınlanıwı haqqındaǵı esabattı kórip shıǵıw hám tastıyıqlaw haqqındaǵı, Ámiwdárya rayonınıń 2026-jılǵı jergilikli byudjetin tastıyıqlaw haqqındaǵı, rayon hákiminiń birinshi orınbasarınıń qarjı ajıratıw usınısı haqqındaǵı, "Infrastruktura hám sociallıq turaqlılıq" qorınan qarjı ajıratıw haqqındaǵı máseleler boyınsha rayonlıq Ekonomika hám qarjı bólimi baslıǵınıń birinshi orınbasarı Jahongir Yo'ldashov esabatlardı oqıp esittirdi...