Ámiwdáryada miynet migraciyası boyınsha áhmiyetli seminar ótkerildi
2025-11-25 15:50:00 / Министрлик
Ámiwdárya rayonı hákimliginde "Qáwipsiz, tártipli hám nızamlı miynet migraciyası sisteması" atamasında seminar bolıp ótti. Onda Migraciya agentliginiń basshıları, rayon hákiminiń orınbasarı, 49 máhálle jetiligi hám tiyisli shólkemlerdiń wákilleri qatnastı.
Ilajda:
• miynet migraciyasın nızamlastırıw,
• sırt eldegi puqaralardı qorǵaw,
• jumıs beriwshiler menen tikkeley shártnamalar dúziw,
• puqaralardı kásip hám shet tillerine oqıtıw,
• miynet jumısında huqıqıy hám sociallıq járdem kórsetiw sıyaqlı baǵdarlar tolıq túsindirildi.
Máhálle jetiligi xalıq penen tikkeley islesiwi migraciya processleriniń nátiyjeliligin arttırıp atırǵanı atap ótildi.
Seminar miynet migraciyasın tártipli hám qáwipsiz shólkemlestiriwde mámleket hám máhálle arasındaǵı birge islesiw jáne de bekkemlenip atırǵanın kórsetti.