Ózbekstan - keńpeyil diyar" súreni astında bayram ilajı bolıp ótti
2025-11-13 18:10:00 / Министрлик
16-noyabr - Xalıqaralıq keńpeyillik kúni múnásibeti menen Ámiwdárya rayonı Mádeniyat bóliminde usı sáne sheńberinde úlken mádeniy-ruwxıy bayram ilajı shólkemlestirildi.
Ilajda rayon hákiminiń orınbasarı Nodirbek Kamalov, rayonlıq "Nuraniy qorı" bóliminiń baslıǵı Bekman ata Allabergenov, Din isleri boyınsha komitettiń Ámiwdárya rayonı boyınsha bas qánigesi Muzaffar Sherimbetov hám basqa da taraw wákilleri qatnastı. Shıǵıp sóylegenler keńpeyillik, milletleraralıq tatıwlıq, óz-ara húrmet hám miyrim-shápáát principleri elimizde tınıshlıq hám turaqlılıqtı támiyinlewdegi sheksiz ornı haqqında aytıp ótti.
🔹 Ózbekstan kóp milletli hám kóp mádeniyatlı el sıpatında túrli elat hám xalıqlar arasındaǵı doslıq hám awızbirshilikti eń joqarı qádiriyat dárejesine kótergenligi atap ótildi.
🔹 Ilaj dawamında qatnasıwshılarǵa keńpeyillik ideyasın úgit-násiyatlawshı shıǵıwlar, nama-qosıqlar qoyıp berildi.
Bayram ilajı dawamında rayonlıq Mádeniyat bólimi tárepinen tayarlanǵan ráńbáreń koncert baǵdarlaması hámmege kóterińki keypiyat ulastı.
Keńpeyillik - bul awızbirshilik, mehir hám doslıq tımsalı. Bunday ilajlar bolsa xalqımız arasında tatıwlıq hám awızbirshilik ruwxın jáne de bekkemleydi!