Prezident qararlarınıń mazmun-mánisi xalıqqa jetkerildi
2025-11-12 10:40:00 / Министрлик
Ámiwdárya rayonında Qaraqalpaqstan Respublikasın sociallıq-ekonomikalıq rawajlandırıwǵa qaratılǵan Prezident qararlarınıń mazmun-mánisin xalıqqa jetkeriw maqsetinde májilis ótkerildi.
Ilaj Ámiwdárya rayonı Mádeniyat bóliminde bolıp ótti. Onda rayon hákimi Sabır Xojametov, hákim orınbasarları, máhálle jetiligi aǵzaları, nuraniylar, kóshe biyleri, belsendi jaslar, hayal-qızlar belsendileri, fermer xojalıqlarınıń basshıları hám rayondaǵı barlıq shólkem hám mákemelerdiń basshıları qatnastı.
Onda húrmetli Prezidentimiz tárepinen jaqında qol qoyılǵan Qaraqalpaqstan Respublikasın sociallıq-ekonomikalıq rawajlandırıwǵa baylanıslı PQ-332, PQ-333 hám PQ-334-sanlı qararlarınıń mazmunı, olar arqalı jaratılıp atırǵan jańa imkaniyatlar, jergilikli dárejede ámelge asırılatuǵın ilajlar hár tárepleme dodalandı.
Shıǵıp sóylegenler bul qararlar - Qaraqalpaqstan xalqınıń abadanlıǵın arttırıw, jańa jumıs orınların jaratıw, infrastrukturanı jaqsılaw hám jaslar ushın zamanagóy imkaniyatlar esigin ashıwda áhmiyetli qádem bolıp atırǵanın ayrıqsha atap ótti.
Ilaj juwmaǵında qararlarda belgilengen wazıypalardı orınlarda nátiyjeli ámelge asırıw, olardı turmısqa engiziwde máhálleler, jámiyechilik hám juwapker shólkemler arasındaǵı birge islesiwdi kúsheytiw boyınsha pikir-usınıslar bildirildi.
Bunday májilisler xalıqtıń mámleketlik siyasattıń mazmunın tereń ańlap jetiwi, ámelge asırılıp atırǵan reformalardıń mánisin tikkeley túsiniwine xızmet etpekte.