Ámiwdárya rayonında bilimge qushtar jaslar sıylıqlandı!
2025-11-04 09:45:00 / Министрлик
Ámiwdárya rayonı Mektepke shekemgi hám mektep bilimlendiriwi bólimi tárepinen 2025-2026-oqıw jılı ushın ótkerilgen tiykarǵı pánler olimpiadasınıń rayon basqıshı jeńimpazların sıylıqlaw máresimi bolıp ótti.
Ilajda rayonlıq MMBB baslıǵı Yalǵash Shamuratov, bólim juwapkerleri, barlıq mektep direktorları, oqıwshılar, olardıń ata-anaları hám ustazları qatnastı.
Sıylıqlaw máresiminde Yalǵash Shamuratov oqıwshılarǵa qutlıqlaw sózlerin jollap, olardıń miynetkesh ustazları hám ata-analarına minnetdarshılıq bildirdi. Sonday-aq, jas bilimpazlarǵa olimpiadanıń keyingi basqıshında áwmet hám keleshektegi oqıw hám jumıslarında tabıslar tiledi.
Bıyılǵı oqıw jılında ótkerilgen olimpiadada 15 pán baǵdarı boyınsha 135 qábiletli oqıwshı sıylı jeńimpazlıqtı qolǵa kirgizip, respublikalıq basqıshqa jollama aldı.
Bul nátiyjeler Ámiwdárya rayonında bilimlendiriwdiń sapasın arttırıw, qábiletli jaslardı qollap-quwatlaw hám olardı ilimge jeteklew baǵdarındaǵı sistemalı jumıslardıń ámeliy kórinisi bolıp esaplanadı.
Jeńimpaz oqıwshılarımızdı jáne bir márte qızǵın qutlıqlaymız!
Ilim shıńların iyelewde sizge áwmet tileymiz!