Ташишнинг ўзига хос хусусияти
Қуйидаги йўловчилар учун автобус салонида 6 та олдинги жой ажратилиши лозим:
- мактабгача ёшдаги болали йўловчиларга;
- ҳомиладор аёлларга;
- ногиронлар ва кекса йўловчиларга.
Ушбу жойларни эгаллаган йўловчилар юқорида кўрсатилган йўловчиларга бўшатишлари керак.
Болаларни ташиш:
- болаларни автобусларда ташиш куннинг ёруғ пайтида, яқин масофани ёритадиган чироқлар ёқилган ҳолда амалга оширилиши керак;
- ҳаракат тезлиги йўл ва бошқа шароитларга кўра, ҳайдовчи томонидан танланади. Бунда ҳаракат тезлиги соатига 60 кмдан ошмаслиги керак;
- мактаб ёшигача бўлган болаларни шаҳарлараро саёҳат-экскурсияларга олиб бориш тақиқланади.
Унутиб қолдирилган буюмларни топшириш:
- қатнов тугаши билан ҳайдовчи автобусда унутиб қолдирган буюмларни автовокзал навбатчисига ёки ташувчининг навбатчи диспетчерига топшириши шарт;
- агар навбатчи (диспетчер) бўлмаса, буюмлар топилмалар идорасига топширилади.
Автобусда бепул олиб юрилиши мумкин бўлган юклар
- ҳажми 60 см х 40 см х 20 см ва оғирлиги 20 кгдан ортиқ бўлмаган қўл юки ва мусиқа асбоби;
- 150 смгача узунликдаги буюмлар;
- қафасга солинган майда ҳайвонлар ва паррандалар;
- болалар, ногиронлар аравачалари;
- майда боғдорчилик инвентари;
- болалар чаналари.
Ҳажми 60 см х 40 см х 20 смдан ортиқ ва узунлиги 150 смдан 200 смгача бўлган буюмлар, шунингдек, оғирлиги 20 кг.дан ортиқ бўлган юк учун ҳақ тўланиши лозим.
Йўловчининг ўз болаларини транспортда олиб юриш
- 5 ёшгача бўлган 1 та бола бепул – алоҳида ўринсиз;
- 5 дан 10 ёшгача бола учун чипта баҳосининг 50 фоизи тўланиб – алоҳида ўрин ажратган ҳолда;
- 10 ёшгача бўлган 2 та ва ундан кўп болалардан биттаси бепул, қолганлари учун – чиптанинг 50 фоизи тўланиб, алоҳида ўрин берилган ҳолда.
Шаҳарлараро (халқаро) йўналишларда йўловчи ташиш
- шаҳарлараро йўловчи ташишда йўловчилар сони ўриндиқлар сонидан ошмаслиги керак;
- ҳайдовчининг иш вақти давомийлиги 9 соатдан ортиқ ёки йўналиш масофаси 400 км ва ундан кўп бўлганда, автобус ҳайдовчиси дам олиши учун алоҳида жой бўлиши ва қатновга 2 нафар ҳайдовчи чиқарилиши керак;
- шаҳарлараро ва халқаро автобус йўналишларида йўловчилар мажбурий равишда суғурта қилинади.
Йўловчи шаҳарлараро (халқаро) йўналишларда қўл юкини олиб юриш
- оғирлиги 30 кгдан ортиқ бўлмаган қўл юки, қафасга солинган майда ҳайвон ва паррандалар ёки бир жуфт чанғисини – бепул;
- багаж бўлими мавжуд бўлмаган автобусларда оғирлиги 60 кгдан кўп бўлмаган юкни – битта жой учун тариф бўйича ҳақ тўлаган ҳолда;
- багаж бўлими мавжуд бўлган автобусларда оғирлиги 60 кгдан кўп бўлмаган юк ва 200 смгача узунликдаги буюмларни – 2 та жой учун ҳақ тўлаган ҳолда.
Йўналишсиз таксида йўловчи ва юк ташиш
- йўналишсиз таксиларнинг йўловчи ва юк ташиш тарифлари миқдори ташувчи томонидан белгиланади;
- йўл ҳақи сафар тугаганидан ва багаж туширилгандан кейин таксометр кўрсаткичи бўйича тўланади;
- ҳайдовчи билан ҳисоб-китоб нақд пул, терминал орқали ёхуд электрон тўлов воситаси ёрдамида амалга оширилади;
- такси бир неча йўловчилар томонидан ёллаганда, йўл ҳақи ҳар бир йўловчининг босиб ўтган масофасига мутаносиб равишда йўловчилар ўртасида тақсимланади;
- таксига олдиндан буюртма берилганда, ҳайдовчи нарядда кўрсатилган вақтда келиши шарт.