Ҳайдовчилик гувоҳномасини олиш тартиби
Миллий ҳайдовчилик гувоҳномаси — Ўзбекистон Республикаси фуқароларига белгиланган тоифадаги автомототранспорт воситаларини бошқариш ҳуқуқини берувчи ва эгасининг шахсини тасдиқловчи расмий давлат ҳужжати ҳисобланади.
Миллий ҳайдовчилик гувоҳномаси ариза берувчига 10 йил муддатга берилади.
Ҳайдовчилик гувоҳномасини олиш учун фуқаролар Ягона имтиҳон марказига (онлайн руйхатдан ўтиш) онлайн ёки офлайн шаклида ариза топширади.
Қуйидаги хужжатларни тақдим қилади:
- ариза;
- паспорт ёки ID-карта;
- №083 форма;
- ҳайдовчиларни ўқитиш мактабини тугатканлигини тасдиқловчи гувоҳнома.
Назарий ва амалий имтиҳонларнинг нархи 1 миллион сўмдан (агар имтиҳонни топшира олмаса 1,2 млн сўмдан хар бир имтиҳон учун тўлайди(назарий ва амалий))
Имтиҳонларни муваффақиятли топширганларга сертификатлар берилади, улар ҳайдовчилик гувоҳномасини расмийлаштириш учун 1 йил давомида асос бўлади.
Шундан сўнг, фуқаролар права олиш учун ЙИҲХХ ёки Давлат хизматлари марказига сертификат билан мурожаат қилади. Бундан ташқари, онлайн яъни Ягона интерактив давлат хизматлари портали (Ҳайдовчилик гувоҳномасини расмийлаштириш) орқали мурожаат қилишлари мумкин. (Хизмат нархи 0.7 БҲМ)