Маҳаллалар учун сиртқи таълим шаклида кадрлар тайёрлаш тизими

2021/2022 ўқув йилидан бошлаб педагогика ва молия-иқтисод соҳаларидаги олий таълим муассасаларида “5520100 – Ижтимоий иш (фаолиятнинг турли соҳалари бўйича)” бакалавриат таълим йўналиши бўйича фуқароларнинг ўзини ўзи бошқариш органлари учун сиртқи таълим шаклида кадрлар тайёрлаш тизими жорий этилади.

Сиртқи таълим шакли доирасида:

ўқитиш тўлов-контракт асосида ташкил этилади:
кадрлар тайёрлаш бўйича малака талаблари, ўқув режалари, фан дастурларини ишлаб чиқиш учун Ўзбекистон Миллий университети таянч ОТМ ҳисобланади;
Маҳалла ва оилани қўллаб-қувватлаш вазирлиги томонидан берилган тавсияномага эга бўлган ҳамда кириш имтиҳонларидан муваффақиятли ўтган фуқароларнинг ўзини ўзи бошқариш органлари ходимлари талабаликка тавсия этилади;
тасвиянома асосида ўқиётган талабалар ўқишини бошқа бакалавриат таълим йўналишига кўчиришга рухсат берилмайди.

Тавсияномалар беришнинг мезонлари:

эгаллаб турган лавозимида сўнгги бир йил давомида фаолият юритаётганлиги;
маҳалла тизимида камида 3 йиллик иш стажига эга бўлганлиги;
фаолият юритаётган фуқаролар йиғини рейтинг кўрсаткичи бўйича «намунали» деб топилганлиги;
вилоят, туман (шаҳар) маҳалла ва оилани қўллаб-қувватлаш бошқармалари, бўлимлари томонидан ижобий тавсифланганлиги;
халқ депутатлари туман (шаҳар) кенгашлари томонидан иш фаолияти ижобий деб баҳоланганлиги;
интизомий жазо чораси қўлланилмаганлиги.

Маҳалла ходимларига тавсияномалар бериш Маҳалла ва оилани қўллаб-қувватлаш вазирлиги томонидан амалга оширилади.

Норматив ҳужжатлар

Ўзбекистон Республикаси Вазирлар Маҳкамасининг қарори. 3-сон. 08.01.2021 й.

маҳалла сиртқи таълим