Farzand kelajagi — oiladan boshlanadi
2025-11-05 17:30:00 / Yangiliklar
Zarbdor tumani hokimi B.Tashpulatov, tuman prokurori R.Masharipov, tuman IIB boshlig‘i E.Ahmedov hamda mutasaddi rahbarlar Sharq Yulduzi MFY hududidagi 13-sonli umumta’lim maktabida o‘quvchi yoshlarning ota-onalari bilan ochiq muloqot o‘tkazdilar.
Uchrashuv davomida farzand tarbiyasi, ta’lim sifati, yoshlarning bo‘sh vaqtini mazmunli o‘tkazish masalalari atroflicha muhokama qilindi. Shuningdek, jinoyatchilik va huquqbuzarliklarning oldini olishda ota-onalarning e’tibori va nazorati muhim omil ekanligi ta’kidlab o‘tildi.
Muloqot jarayonida mahalla hududida tozalikni ta’minlash, ko‘kalamzorlashtirish va “Yashil makon” loyihasida faol ishtirok etish bo‘yicha ham tavsiyalar berildi.
Bunday uchrashuvlar ota-onalar, mahalla va ta’lim muassasalari o‘rtasidagi hamkorlikni mustahkamlab, yoshlarning barkamol, ongli va ma’naviyatli avlod bo‘lib ulg‘ayishiga xizmat qiladi.