Zarbdorlik ayollar uchun unutilmas sayohat
2025-11-02 08:30:00 / Yangiliklar
Zarbdor tuman hokimligi tashabbusi bilan “Ayollar daftari” ro‘yxatidagi ayollar hamda mahallalardagi faol 100 nafardan ortiq xotin-qizlar uchun Toshkent shahri va Bo‘stonliq tumaniga sayohat tashkil etildi.
Sayohat davomida ishtirokchilar poytaxtimizning eng go‘zal, fayzli, diqqatga sazovor maskanlari bilan tanishib, maroqli dam olishmoqda. Ular tarixiy obidalar, madaniy markazlar va tabiat qo‘ynidagi go‘zal joylarni ziyorat etib, unutilmas taassurotlar orttirdilar.
Ushbu tashabbus xotin-qizlarning bo‘sh vaqtini mazmunli o‘tkazish, ularning ijtimoiy faolligini oshirish va ichki turizmni rivojlantirish maqsadida amalga oshirilgan.
Sayohat davomida ayollar uchun psixologik va motivatsion treninglar ham tashkil etilib, ularning ruhiy holatini mustahkamlash, o‘ziga ishonchni oshirish hamda hayotga ijobiy qarashni shakllantirishga xizmat qilmoqda.
Bunday tashabbuslar — Zarbdorda xotin-qizlarga e’tibor va g‘amxo‘rlikning amaliy ifodasi, ularning hayotida yangi ilhom, yangi imkoniyat va ijobiy kayfiyat bag‘ishlayotgan voqealardandir.