Yoshlik oqshomiga mehr, quvonch va musiqa jo bo‘ldi
2025-05-25 21:25:00 / Yangiliklar
Zarbdor tuman markaziy o‘yingohida maktab bitiruvchilari uchun yorqin lahzalar, hayajonli ohanglar va samimiy tabriklar bilan to‘lgan konsert dasturi bo‘lib o‘tdi.
Bitiruvchilarning qalbidagi orzular va umidlar bu oqshom yana-da baland parvoz etdi. Tuman hokimi Bekzod Tashpulatov yoshlarga ezgu tilaklar yo‘llab, ularni hayot sari dadil odimlashga chorladı.
Sahnadagi mashhur san’atkorlar – “Navo” guruhi, Dilshod Ali, Jo‘rabek, DJ Shaxa va boshqa taniqli san'atkorlarning chiqishlari yoshlik ohanglarini jo‘sh urdirgan bo‘lsa, bayram yakunida osmonu falakni yoritgan mushakbozlik oqshomga bayramona yakun yasadi.
Bu oqshom yoshlikni, orzuni va kelajak sari bo‘lgan ishonchni madh etdi.