Jizzax viloyati Zarbdor tumani hokimligi

O‘zbekiston Respublikasi Prezidentining 2024-yil 30-dekabrdagi PQ-465-sonli hamda Jizzax viloyati hokimining 2025-yil10-yanvardagi 13-03-0Q/25-sonli qarorlari ijrosini ta'minlash maqsadida tuman hokimining 2025 yil 13 yanvarda 6-3-49-Q/25-sonli qarori qabul qilinib dala chetlari, kanallar, sug‘orish va kollektor-drenaj tarmoqlarining atroflaridagi maydonlarda, aholi tomorqasi, xonadonlar va ko‘pqavatli uylar oldi hamda mahallaning ichki ko‘chalarida qishloq xo‘jaligi mahsulotlari yetishtirilishini tashkil qilish to`g`risida qarorlari qabul qilinib, unga ko‘ra Zarbdor tuman hududida 2025-yilda 854.7 gektar dala chetlaridagi maydonlarga  777.3 ming dona mevali daraxtlar ekilishi belgilandi. Xususan, qaror bilan joriy yilda tumanda olcha ko‘chati 197.6 gektar, olxo‘ri ko‘chati 207.3 gektar, behi ko‘chati 90.9 gektar, uzum ko‘chati 174.6 gektar, chilon jiyda ko‘chati 108.8 gektar, tut ko‘chati 75.4 gektar dala chetlaridagi  maydonlarga ekilishi mo‘ljallangan. Inspeksiya tomonidan, joylarda mazkur qarorning ijrosi yaʼni dala chetlaridagi maydonlarga mevali daraxtlar ko‘chatlarini o‘z vaqtida va sifatli ekilishi to‘liq nazoratga olindi. O‘tkazilgan nazorat tadbirlari davomida, dala chetlaridagi maydonlariga ko‘chat ekish ishlarini o‘z vaqtida va sifatli o‘tkazilishi yuzasidan hududlardagi 623 ta fermer xo‘jaliklariga, shuningdek ko‘chat va urug‘lik yetkazib beruvchi subyektlarga ogohlantirishlar berildi. Mazkur qarorning ijrosi bo‘yicha hududlarda amalga oshirilayotgan ishlar yuzasidan Inspeksiyaning hududiy boshqarmalari va Zarbdor tuman bo‘limi tomonidan mavsum davomida doimiy nazoratga olingan. PQ-465-sonli qarorning 6 bandiga ko`ra dala chetlariga har yili 1-aprelga qadar ekin ekmaganlik va yil davomida mahsulot yetishtirmaganlik holatlari aniqlanganda qishloq xo‘jaligi mahsulotlari yetishtiruvchilarga ularning barcha qishloq xo‘jaligiga mo‘ljallangan yerlari uchun yer solig‘i stavkasi uch karra miqdorida hisoblanishi, qishloq xo‘jaligini davlat tomonidan qo‘llab-quvvatlash jamg‘armasidan belgilangan tartibda ajratiladigan kredit resurslari hisobidan moliyalashtirish to‘xtatilshi hamda Agrosanoat majmui ustidan nazorat qilish inspeksiyasi tomonidan bazaviy hisoblash miqdorining o‘n baravarigacha miqdorda jarima qo‘llanilshi belgilangan.

“O‘zagroinspeksiya”ning Zarbdor tuman Qishloq xo‘jaligida agrotexnik tadbirlarnio‘tkazilishini nazorat qilish bo`limi bosh mutaxassisi Sh.Sattarov