Zarbdorlik sportchi “Yangi O‘zbekiston ayollar olimpiadasi”ning Respublika bosqichida sovrindor bo‘ldi
2026-06-16 09:00:00 / Yangiliklar
Toshkent Olimpiya shaharchasida “Yangi O‘zbekiston ayollar olimpiadasi” musobaqasining Respublika bosqichi bo‘lib o‘tdi. Unda yurtimizning turli hududlaridan 18–30 yosh hamda 30 yoshdan yuqori bo‘lgan xotin-qizlar ishtirok etib, sportning bir qator turlari bo‘yicha o‘zaro bellashdilar.
Mazkur nufuzli musobaqada Zarbdor tumani vakili Ergasheva Parizod sportning stol tennisi turi bo‘yicha 18–30 yosh toifasida munosib ishtirok etib, faxrli 3-o‘rinni qo‘lga kiritdi.
Sportchimizning ushbu yutug‘i uning sportga bo‘lgan intilishi, mehnatsevarligi va yuksak mahoratining amaliy natijasi bo‘lib, Zarbdor tumani uchun yana bir faxrli muvaffaqiyat bo‘ldi.
Musobaqa yakunida sovrindorlar tashkilotchilar tomonidan munosib taqdirlandi.
Ergasheva Parizodni ushbu yuksak natija bilan samimiy muborakbod etamiz hamda kelgusidagi musobaqalarda ham ulkan zafarlar va yangi yutuqlar tilab qolamiz!