Jizzax viloyati Zarbdor tumani hokimligi

Hurmatli fuqarolar! Ushbu bukletda qurilish faoliyatini amalga oshirishda zarur bo'lgan ruxsatnomalarni olish tartibi, shuningdek, uy-joy sotib olayotganda e'tibor qaratilishi lozim bo'lgan asosiy huquqiy jihatlar haqida sodda va tushunarli tilda ma'lumot berilgan.

QAYSI HOLLARDA RUXSATNOMA TALAB ETILADI?

● Bino va inshootni qayta qurish (eski binoni buzib yangisini qurish)

● Rekonstruksiya qilish (yuk ko'taruvchi qismlarni o'zgartirish)

● O'z hududida qo'shimcha bino va inshoot qurish

● Turar joyni noturar joyga (do'kon, ofis) aylantirish

● Noturar joyni turar joyga o'zgartirish

● Bino va inshoot tashqi ko'rinishini o'zgartirish (fasad maydonining 25% dan ortiq qismi)

⚠ DIQQAT! Ruxsatnomasiz qurilish — qonunbuzarlik! Tegishli ruxsatnomasiz boshlangan qurilish ishlari sudda BUZDIRILISHI mumkin. Shuningdek, loyiha hujjatlarini ekspertizadan o'tkazmasdan qavatlar sonini ko'paytirish taqiqlangan.

RUXSATNOMA TALAB ETILMAYDIGAN HOLLAR:

✓ Yuk ko'taruvchi devorlar o'zgarmaydigan qayta rejalashtirish (gipsokarton, plastik devorlar bilan bo'lish)

✓ Yengil turdagi qurilmalar va vaqtincha qurilmalar (pavilyon, kiosk, mavsumiy savdo joylari)

✓ 2 qavatdan past, 12 m dan past va 500 m² dan kam yakka uy-joylar uchun ART va ekspertiza talab etilmaydi Zarbdor tuman adliya bo'limi | VMQ 2022-yil 20-aprel 200-son | 2026-yil

QURILISHGA RUXSAT OLISH BOSQICHLARI

1. Ruxsatnoma olish DXM yoki my.gov.uz orqali murojaat qilasiz. Qayta qurish, rekonstruksiya, ixtisosni o'zgartirish yoki qo'shimcha qurilish uchun.

Muddat: 5-7 ish kuni | Yig'im: BHMning 50%-2 BHM | Amal qilish: 2 yil

2. Arxitektura-rejalashtirish topshirig'i (ART)

Qurilish bosh boshqarmasi ishlab chiqadi. ART — loyihaoldi hujjat bo'lib, qurilishni boshlash uchun asos emas.

Muddat: 5-10 ish kuni | Qiymat: 1-4 BHM | Qishloqda: koeffitsiyent 0,7

3. Loyiha-smeta hujjatlarini kelishish

Faqat litsenziyali loyiha tashkiloti ishlab chiqadi. Kichik obyektlar uchun kelishilgan loyiha qurilishni boshlash uchun asos.

Muddat: 7-12 ish kuni | Yig'im: BHMning 50%-2 BHM

4. Qurilish-montaj ishlarini boshlash ruxsatnomasi

Hududiy inspeksiyadan olinadi. Qurilish-montaj ishlari qiymatining 0,2% ajratma to'lanadi.

Muddat: 3 ish kuni | Yig'im: UNDIRILMAYDI | Amal qilish: 24 oy

5. Foydalanishga topshirish va davlat ro'yxatidan o'tkazish

Qurilish tugagach, xulosa beruvchilar tekshiradi. Ruxsatnoma — mulk huquqini davlat ro'yxatidan o'tkazish uchun asos.

Xulosa: 10 ish kuni | Ruxsatnoma: 4 ish kuni | Yig'im: BHMning 30%

QAYERGA MUROJAAT QILISH:

● Davlat xizmatlari markazi (DXM) — o'zingiz kelib

● my.gov.uz portali — onlayn, 24 soat, dam olish kunlari ham

● Murojaat BEPUL (YIDXP orqali yig'imlarga 10% chegirma)Zarbdor tuman adliya bo'limi | VMQ 2022-yil 20-aprel 200-son | 2026-yil

UY-JOY SOTIB OLISHDA NIMAGA E'TIBOR BERISH KERAK?

3 1. Kadastr hujjatlarini tekshiring

Mulk huquqi davlat ro'yxatidan o'tganmi? Kadastr pasporti bormi? Yer uchastkasining maydoni va chegaralari to'g'ri ko'rsatilganmi?

3 2. Taqiq va xatlovni tekshiring

Uy garovga (ipotekaga) qo'yilmaganmi? Sud taqiqi mavjud emasmi? Kadastr organidan maxsus ma'lumotnoma oling.

3 3. O'zboshimcha qurilma bormi?

Ruxsatsiz qurilgan qo'shimcha binolar bormi? Bunday qurilmalar kelajakda BUZDIRILISHI mumkin va siz zarar ko'rasiz.

3 4. Foydalanishga topshirilganmi?

Qurilishi tugallangan uy foydalanish uchun ruxsatnoma olganmi? Bu hujjatsiz mulk huquqi ro'yxatdan o'tkazilmaydi.

3 5. Yer uchastkasini tekshiring

Yer ajratish hujjati amal qiladimi? Yer uchastkasi nizoli emasmi? Yer fondi toifasiga e'tibor bering — qishloq xo'jaligi yerida qurilgan uy qonunsiz!

3 6. Notarial shartnoma tuzing

Oldi-sotdi shartnomasini ALBATTA notarius tasdiqlashi kerak. Og'zaki kelishuv yoki oddiy yozma shartnoma siz uchun kafolat bermaydi.

3 7. Mulk huquqini ro'yxatdan o'tkazing

Sotib olgach, mulk huquqini kadastr organida yangi ega nomiga rasmiylashtiring. Ro'yxatdan o'tkazilmagan mulk himoyalanmaydi!Zarbdor tuman adliya bo'limi | VMQ 2022-yil 20-aprel 200-son | 2026-yil

FIRIBGARLIKDAN EHTIYOT BO'LING!

✖ Hujjatsiz uy-joy taklifi

"Hujjatlar keyinroq tayyor bo'ladi" deyishsa — ISHONMANG! Avval hujjatlarni ko'ring, keyin pul to'lang.

✖ Bir uyni bir nechta kishiga sotish

Mulk huquqini kadastr organidan ALBATTA tekshiring. Davlat reyestridan ko'chirma oling.

✖ O'zboshimcha qurilgan uylar

Ruxsatnoma va foydalanishga topshirish hujjatlari bo'lmasa — xavfli! Bunday uylar sudda BUZDIRILISHI mumkin.

✖ Soxta ishonchnoma bilan sotish

Uy egasi o'zi kelmay, boshqa odam sotayotgan bo'lsa — ishonchnomani notarius orqali tekshiring.

✖ Yer uchastkasi boshqa maqsad uchun ajratilgan

Qishloq xo'jaligi yoki o'rmon fondi yerida qurilgan uy QONUNSIZ. Yer fondi toifasini tekshiring.

✖ Soliq qarzdorligi mavjud uy-joy

Noturar joyni turar joyga o'tkazishda mulk soliqlari to'langan bo'lishi shart. Soliq qo'mitasidan ma'lumot oling.

HIMOYALANISH UCHUN:

✓ Kadastr organidan ko'chmas mulk haqida ma'lumotnoma oling

✓ Notarial oldi-sotdi shartnomasi tuzing

✓ Mulk huquqini davlat ro'yxatidan o'tkazing

✓ Shubhali holatlarda ADLIYA BO'LIMIGA murojaat qiling

Zarbdor tuman Adliya bo‘limi bosh maslahatchisi Akram Abduvaitov