Oqar va Navbahor mahallalarida yo‘l muammolari bosqichma-bosqich hal etilmoqda
2026-03-30 15:45:00 / Yangiliklar
Zarbdor tumanining olis hududida joylashgan Oqar va Navbahor mahallalarini bog‘lovchi Amir Temur shoh ko‘chasida uzoq yillardan buyon mavjud muammolarni bartaraf etish bo‘yicha amaliy ishlar olib borilmoqda.
Xususan, Zarbdor tuman Yo‘llardan foydalanish davlat muassasasi tomonidan har yilgi davlat yo‘llarini ta’mirlash dasturi doirasida mazkur hududda keng ko‘lamli yo‘l qurilish ishlari amalga oshirilmoqda.
Ajratilgan mablag‘lar hisobidan D060–D058–D043 davlat avtomobil yo‘llari yo‘nalishida jami 1980 metr masofada asfaltlash ishlari olib borilmoqda. Ushbu loyihaga Avtomobil yo‘llari qo‘mitasi tomonidan mablag‘ ajratilib, ishlar belgilangan tartibda olib borilmoqda.
Mazkur yo‘lning ta’mirlanishi hudud aholisi uchun qulaylik yaratib, transport qatnovini yaxshilash, fuqarolarning kundalik hayotini yengillashtirish hamda mahallalar infratuzilmasini rivojlantirishga xizmat qiladi.
Oqar va Navbahor mahallalarida amalga oshirilayotgan bunday bunyodkorlik ishlari hududni yanada obod va farovon maskanga aylantirish yo‘lidagi muhim qadamlardan biridir.