Zarbdor tumanida "Yoshlarni oilaviy hayotga tayyorlash" mavzusida o‘quv mashg‘ulotlari o‘tkazildi
2026-02-03 17:25:00 / Yangiliklar
Zarbdor tumani Oila va xotin-qizlar bo‘limi hamda tuman Fuqarolik holati dalolatnomalarini yozish (FHDY) bo‘limi tomonidan "Yoshlarni oilaviy hayotga tayyorlash" mavzusida o‘quv mashg‘ulotlari tashkil etildi.
Mazkur tadbir tuman Oila va xotin-qizlar bo‘limi, FHDY bo‘limi, tuman bosh imom xatibi, “Oqila ayollar harakati”, tuman Maktabgacha va maktab ta’limi bo‘limi xodimlari hamkorligida amalga oshirildi.
O‘quv mashg‘ulotlarida yosh nikohlanuvchilarga oilaviy hayotning muhim jihatlari, huquqiy va diniy mas’uliyat, sog‘lom va mustahkam oila qurishning asosiy shartlari, o‘zaro hurmat va sabr-toqatning o‘rni haqida tushunchalar berildi. Shuningdek, ishtirokchilarga amaliy maslahatlar, psixologik ko‘nikmalar va huquqiy bilimlar ham yetkazildi.