Tuman hokimi Yoshlik mahallasidagi OSHP faoliyati bilan tanishdi
2025-12-19 17:30:00 / Yangiliklar
Tuman hokimi Bekzod Tashpulatov hamda tuman IIB boshlig‘i Elyor Axmedov Yoshlik mahallasida joylashgan OSHP filiali faoliyatini o‘rgandi. Tashrif davomida shifokorlar va bemorlar uchun yaratilgan sharoitlar, xususan, kuz-qish mavsumida muassasaning issiqlik bilan ta’minlanishi, mavjud infratuzilma hamda bazalt qoplash ishlari ko‘zdan kechirildi.
Shuningdek, hokim tibbiyot xodimlari bilan suhbatlashib, aholiga ko‘rsatilayotgan tibbiy xizmat sifati, dori-darmon ta’minoti, navbatchilik tartibi va shoshilinch tibbiy yordam jarayonlari bo‘yicha ma’lumotlar oldi.
Tashrif davomida joylardagi mavjud muammolarni aniqlash va ularni bartaraf etish, aholiga sifatli, qulay va tezkor tibbiy xizmat ko‘rsatishni yanada yaxshilash bo‘yicha tegishli vazifalar belgilandi.