Zarafshon shahar tibbiyot birlashmasida kengaytirilgan yig‘ilishi bo‘lib o‘tdi
2026-02-06 18:35:00 / Yangiliklar
Xususan, 2022-yil 24-martdagi №88-sonli buyruq bilan tasdiqlangan Tibbiyot xodimlarining odob-axloq kodeksi talablari, tibbiyot xodimlarining bemorlarga munosabati, sifatli va o‘z vaqtida tibbiy yordam ko‘rsatish masalalari yuzasidan tushuntirishlar berildi.
Shuningdek, 2022-yil 1-martdagi №71-sonli buyruqqa muvofiq sog‘liqni saqlash tizimida korrupsiyaga qarshi kurashish, uni oldini olish, ichki nazorat, monitoring va hisobot tizimini kuchaytirish bo‘yicha belgilangan vazifalar muhokama qilindi.
Yig‘ilishda Ichki mehnat tartibi qoidalari, xodimlarning huquq va majburiyatlari, mehnat intizomi hamda ish va dam olish rejimiga qat’iy rioya etish zarurligi alohida ta’kidlandi.
Yig‘ilish yakunida belgilangan vazifalar ijrosini ta’minlash bo‘yicha mas’ul xodimlarga tegishli topshiriqlar berildi.