Bugun Zarafshon shahri hokimi Nazirbek Rahmanov shisha buyumlar ishlab chiqarishga moʻljallangan "ASL OYNA" MChJda boʻldi.
2025-12-23 14:50:00 / Yangiliklar
Korxona rahbari bilan suhbat olib borildi. Suhbat davomida korxonaning joriy faoliyati va kelajakda amalga oshiriladigan loyihalar muhokama qilindi. Shuningdek, mavjud muammolar haqida ham soʻz yuritildi va ularni hal etish boʻyicha vazifalar belgilab olindi.
Shundan soʻng shahrimiz hokimi korxonaning mahsulot ishlab chiqarish jarayoni bilan ham yaqindan tanishdi.
Tashrif yakunida bunday muloqotlarni muntazam davom ettirish, korxonaning ishlab chiqarish quvvatini oshirish, boʻsh ish oʻrinlari yaratish va fuqarolar bandligini taʼminlash boʻyicha hamkorlikni yanada rivojlantirishga kelishib olindi.