Туман марказида ҳаракат хавфсизлиги ва қулайликни таъминлаш ишлари жадал давом этмоқда
2026-10-10 10:00:00 / Yangiliklar
Юқори Чирчиқ тумани марказида йўл ҳаракати хавфсизлигини таъминлаш, транспорт ҳаракатини янада қулай ташкил этиш ҳамда ҳудуднинг ободлигини оширишга қаратилган қурилиш ва ободонлаштириш ишлари изчил давом этмоқда.
Бугун туман ҳокими
Ускенбай Атемов туман прокурори ва солиқ инспекцияси раҳбарлари билан биргаликда туман марказида амалга оширилаётган ишлар билан танишиб, ҳудуддаги мавжуд ҳолатни ўрганди.
Ўрганиш давомида асосий йўлларни кенгайтириш, транспорт воситалари ҳаракатини тартибга солиш, жамоат транспорти, хусусан, автобуслар учун алоҳида ҳаракат йўлакларини ташкил этиш масалаларига алоҳида эътибор қаратилди. Шунингдек, пиёдаларнинг йўлларда эркин ва хавфсиз ҳаракатланиши учун зарур шароитларни яратиш, йўл инфратузилмасини такомиллаштириш ҳамда ҳудуднинг қиёфасини янада яхшилаш бўйича амалга оширилаётган ишлар кўздан кечирилди.
