Ўзбекистон шифокорлари халқаро тиббий анжуманда — Юқори Чирчиқ туман вакиллари илғор тажрибаларни ўрганмоқда
2026-07-10 09:00:00 / Yangiliklar
Айни пайтда Хитой Халқ Республикасининг Шанхай шаҳрида Surgeons Club томонидан анастомозларга бағишланган 2-халқаро конференция бўлиб ўтмоқда. Нуфузли анжуманда дунёнинг турли давлатларидан ташриф буюрган етакчи жарроҳлар замонавий жарроҳлик амалиётлари бўйича ўзаро тажриба алмашмоқда.Конференцияда Ўзбекистон, Германия, Туркия, Сингапур ва бошқа мамлакатлардан жами 206 нафар малакали мутахассис иштирок этмоқда. Улар сафида Юқори Чирчиқ туман тиббиёт бирлашмасининг тажрибали шифокорлари — М.Қуролбоев ва С.Телемисов ҳам бор.
➡️ Туманимиз вакиллари халқаро анжуман доирасида юқори технологияларга асосланган замонавий эндоскопик жарроҳлик усуллари, анастомоз операцияларининг илғор ёндашувлари ҳамда инновацион тиббий технологиялар бўйича малака ва тажрибаларини бойитмоқда.
Бундай нуфузли халқаро анжуманда иштирок этиш шифокорларимизнинг касбий маҳоратини янада ошириш, туманда аҳолига кўрсатилаётган тиббий хизмат сифатини юксалтириш ҳамда Ўзбекистон тиббиётининг халқаро нуфузини мустаҳкамлашга хизмат қилади.
