Toshkent viloyati Yuqori Chirchiq tumani hokimligi

Юқори Чирчиқ туманида аҳоли ва қишлоқ хўжалигини рўйхатга олиш жараёнлари бўйича ортда қолаётган Гулобод маҳалла фуқаролар йиғинининг Истиқбол ҳамда Миробод маҳаллаларида ўрганиш ишлари олиб борилди.Ўрганиш жараёнлари Маҳалла уюшмаси туман бўлими бошлиғи О. Холтоев ҳамда Ёшлар ишлари агентлиги туман бўлими бошлиғи У. Бўрибойев ҳамкорлигида ташкил этилди. Маҳаллалардаги “еттилик” аъзоларининг иш фаолияти таҳлил қилиниб, мавжуд муаммолар ва камчиликлар аниқланди. Учрашув давомида аҳоли ва қишлоқ хўжалигини рўйхатга олиш ишларини жадаллаштириш, аҳоли ўртасида тушунтириш ишларини кучайтириш ҳамда белгиланган муддатларда сифатли якунлаш юзасидан масъулларга аниқ топшириқ ва амалий тавсиялар берилди. Мазкур ўрганиш ишлари рўйхатга олиш жараёнларини самарали ташкил этиш ва белгиланган вазифалар ижросини таъминлашга хизмат қилди.