Bugun Toshkent shahridagi Yoshlar ijod saroyida “Uzchess” loyihasining taqdimoti bo‘lib o‘tdi. Ushbu loyiha “Yoshlar forumi – 2024” doirasida amalga oshirilayotgan yirik tashabbuslardan biridir.

Taqdimotda 2024-yilda erishilgan yutuqlar va 2025-yil uchun belgilangan rejalarga to‘xtalib o‘tildi. “Uzchess akademiyasi” mobil ilovasining qulayliklari, “Uzchess marketing” faoliyati haqida batafsil ma’lumotlar taqdim etildi. Shuningdek, loyiha jamoasining a’zosi Baxtiyor Jumayev tomonidan yozilgan yangi kitobning namoyishi ham tadbirning diqqatga sazovor qismi bo‘ldi.

Ma’lumotlarga ko‘ra, “Uzchess” loyihasining YouTube kanali 85 mingga yaqin obunachiga ega bo‘lib, videolarni ko‘rishlar soni 30 millionga yaqinlashgan. Bundan tashqari, “Uzchess akademiyasi” mobil ilovasidan 300 mingga yaqin foydalanuvchi foydalanmoqda.

Ushbu loyiha yoshlarning intellektual rivojlanishi va shaxmatga bo‘lgan qiziqishini oshirishga xizmat qilmoqda.