Yangiyo‘l shahrida korrupsiyaga qarshi murosasiz muhitni shakllantirish bo‘yicha ishlar muhokama qilindi
2026-10-05 15:30:00 / Yangiliklar
Yangiyo‘l shahar hokimining birinchi o‘rinbosari A.Isanbayev hamda shahar hokimligi xodimlari ishtirokida korrupsiyaning oldini olish, unga qarshi murosasiz munosabatni shakllantirish va korrupsiyaviy holatlarga yo‘l qo‘ymaslik borasida amalga oshirilayotgan ishlar muhokama qilindi. Yig‘ilishda korrupsiyaga qarshi kurashishning samarali mexanizmlarini kuchaytirish, davlat xizmatchilarining huquqiy ongi va mas’uliyatini oshirish, xizmat faoliyatida qonuniylik, halollik va shaffoflik tamoyillariga qat’iy rioya etish masalalariga alohida e’tibor qaratildi.
Ta’kidlanganidek, korrupsiyadan holi muhitni shakllantirish faqatgina alohida tashkilot yoki mas’ullarning emas, balki jamiyatning barcha qatlamlari uchun muhim vazifadir. Shu bois Yangiyo‘l shahrida korrupsiyaning har qanday ko‘rinishiga nisbatan murosasiz munosabatni qaror toptirish, qonun ustuvorligi va halollik tamoyillarini mustahkamlash borasidagi ishlar izchil davom ettiriladi.