Bandlik, raqamlashtirish va iqtisodiy shaffoflik — kun tartibida
2026-09-11 16:45:00 / Yangiliklar
Yangiyo‘l shahar hokimi R.Raimov, shahar prokurori E.Sanokulov hamda Toshkent viloyat prokuraturasi bo’lim boshlig’i Y.U.Uktamov ishtirokida Baxt mahallasi hududida joylashgan «Sun Way Build» MChJ korxonasida o‘rganish ishlari olib borildi. O‘rganish davomida korxonaning joriy faoliyati, ishlab chiqarish va xizmat ko‘rsatish jarayonlari, mavjud imkoniyatlardan samarali foydalanish hamda yangi ish o‘rinlarini yaratish orqali aholi bandligini ta’minlash borasidagi ishlar ko‘zdan kechirildi.
Shuningdek, yashirin iqtisodiyotni qisqartirish, tadbirkorlik subyektlari faoliyatini qonuniy asosda tashkil etish, savdo va xizmat ko‘rsatish jarayonlarini raqamlashtirish hamda zamonaviy texnologiyalarni keng joriy etish masalalariga alohida e’tibor qaratildi. Mas’ullar tomonidan korxonada mavjud muammolar va ularni bartaraf etish imkoniyatlari o‘rganilib, faoliyat samaradorligini oshirish, qo‘shimcha ish o‘rinlari yaratish va iqtisodiy faollikni kuchaytirish yuzasidan tegishli tavsiyalar berildi.
Bunday o‘rganishlar hududda tadbirkorlikni rivojlantirish, aholi bandligini oshirish, yashirin iqtisodiyotning oldini olish va iqtisodiy jarayonlarni yanada shaffoflashtirishga qaratilgan chora-tadbirlarning muhim yo‘nalishlaridan biridir.