Tun-u kun xizmat ko‘rsatadigan zamonaviy ko‘cha loyihasi amalga oshirilmoqda
2026-09-10 17:05:00 / Yangiliklar
Mazkur hududni zamonaviy talablarga javob beradigan, tun-u kun, 24 soat davomida faoliyat yuritadigan ko‘chaga aylantirish rejalashtirilgan. Bu borada savdo va xizmat ko‘rsatish obyektlari faoliyati uchun zarur shart-sharoitlarni yaratish, hududni obodonlashtirish hamda muhandislik infratuzilmasini yaxshilashga alohida e’tibor qaratilmoqda.
Yangiyo‘l shahar hokimi R.Raimov, shahar prokurori E.Sanokulov hamda tegishli tashkilot va idoralar mas’ullari hududda bo‘lib, amalga oshirilayotgan ishlarning borishini o‘rgandi. O‘rganish davomida qurilish va ta’mirlash ishlarining sifati, belgilangan talablar asosida olib borilishi hamda aniqlangan kamchiliklarni bartaraf etish masalalari muhokama qilindi.
Mas’ullarga ishlarni belgilangan muddatlarda, sifatli va amaldagi qurilish me’yorlari asosida yakunlash, hududni obodonlashtirish hamda aniqlangan kamchiliklarni qisqa muddatlarda bartaraf etish yuzasidan tegishli topshiriq va ko‘rsatmalar berildi.