“Yangi O‘zbekistonning ibratli oilasi” ko‘rik-tanlovining Respublika bosqichi o‘tkazildi
2026-06-10 15:55:00 / Yangiliklar
Tadbirda O‘zbekiston Respublikasi Bosh vazirining o‘rinbosari – Oila va xotin-qizlar qo‘mitasi raisi Z.Mahkamova, Toshkent viloyati hokimi o‘rinbosari – Oila va xotin-qizlar boshqarmasi boshlig‘i N.Normirzayeva hamda tegishli tashkilot mutasaddilari ishtirok etdi.
Shuningdek, mamlakatimizning barcha hududlaridan tashrif buyurgan namunali oilalar va tanlov ishtirokchilari tadbirda faol qatnashdi. Ko‘rik-tanlov davomida oilaviy qadriyatlarni asrab-avaylash, milliy an’analarni davom ettirish, farzand tarbiyasidagi ilg‘or tajribalarni ommalashtirish va jamiyatda sog‘lom oilaviy muhitni mustahkamlash masalalariga alohida e’tibor qaratildi.
Tanlov yakunlariga ko‘ra, Samarqand viloyatidan tashrif buyurgan oila “Yangi O‘zbekistonning ibratli oilasi” ko‘rik-tanlovining Respublika bosqichi g‘olibi deb topildi. Tadbir so‘ngida barcha ishtirokchilarga diplomlar hamda esdalik sovg‘alari topshirildi. Mazkur tanlov yurtimizda oilalar nufuzini yuksaltirish, oila institutini yanada mustahkamlash va ibratli oilalar tajribasini keng targ‘ib etishda muhim ahamiyat kasb etmoqda.