9-may — “Xotira va qadrlash kuni” munosabati bilan bugun Yangiyo‘l shahrida tadbir bo‘lib o‘tdi
2026-05-07 11:20:00 / Yangiliklar
Yangiyo‘l shahar markazida joylashgan “Motamsaro ona” haykali poyiga gul qo‘yish marosimida shahar hokimi R.Raimov, shahar prokurori E.Sanokulov, harbiy xizmatchilar, davlat va jamoat tashkilotlari rahbarlari, deputatlar, nuroniylar, yoshlar hamda mahalla faollari ishtirok etdi. Tadbir davomida Vatan ozodligi, xalqimizning tinch va osoyishta hayoti yo‘lida jon fido qilgan qahramonlar xotirasiga chuqur hurmat bajo keltirilib, haykal poyiga gulchambarlar qo‘yildi.
Shuningdek, marosimda so‘zga chiqqan shahar hokimi va nuroniylar tomonidan bugungi tinchlik va farovon hayotni qadrlash, yurt ravnaqi va osoyishtaligini asrab-avaylash har bir fuqaroning muqaddas burchi ekani alohida ta’kidlandi.
Xotira — muqaddas, qadrlash esa xalqimizga xos yuksak fazilatdir.